Hədəf Kütləyə Uyğun Veb Sayt Necə Hazırlanır?

Bugünkü rəqəmsal dövrdə marka mesajınızı hədəf auditoriyanıza effektiv şəkildə çatdıran bir veb sayta sahib olmaq çox vacibdir. 166 Tech olaraq biz təkcə vizual olaraq yaxşı veb sayt yaratmırıq, onun hədəf kütlənizə uyğun olması üçün çalışırıq.

Potensial müştəriniz veb saytınıza ilk dəfə daxil olanda doğru yerə gəldiyini bilməlidir. Məhsulunuzun/xidmətinizin hər kəsə uyğun olmasını istəsəniz də, diqqətinizi müəyyən bir demoqrafik təbəqəyə yönəltdiyiniz və onların ehtiyac və istəklərini hədəf aldığınız zaman satış etmək həmişə daha asandır. Bu prosesdə ilk addım hədəf kütlənizi və ideal auditoriyanızı dəqiq bilməkdir! Onlarla birbaşa ünsiyyət qurmaq üçün düzgün veb sayt və marketinq üsullarından istifadə edə bilərsiniz:

Onların dilində danışın

Hədəf kütlənizdə təsir yaratmaq veb saytınızda istifadə etdiyiniz dildən çox asılıdır. Müştərilərinizin problemlərini həll edən və onlarla birbaşa danışan dildən istifadə edin. 

Həddindən artıq formal və ya texniki terminologiyadan istifadə etməkdən çəkinin, çünki bəzi müştərilər bunu xoşagəlməz hesab edə bilər. Əvəzində hədəf auditoriyanızın anlaya biləcəyi sözlərdən istifadə edin. 

Düzgün şəkillərdən istifadə edin

Bir şəkil 1000 sözü əvəz edir, buna görə də hədəf auditoriyanız üçün düzgün cəlbedici veb sayt yaratmaq istəyirsinizsə, dizaynda düzgün təsvir və rəng istifadəsinə diqqət yetirin.

Asan UX

Potensial müştərinizin kimliyindən asılı olmayaraq, onlar yaxşı istifadəçi təcrübəsini və asan strukturu qiymətləndirəcəklər. Rahat interfeys, nəinki ziyarətçiləri saytınızda daha uzun müddət saxlayacaq, həm də ümumi SEO strategiyanıza müsbət təsir edəcək. Potensial alıcının saytınıza ilk daxil olduğu andan “almaq” düyməsini klikləməli olduğu yerə qədər olan zaman minimum olmalıdır.

“Call-to-Action” istifadə edin

Fəaliyyətə çağırış (CTA) abunə olmaq, məhsul almaq və ya görüş təyin etmək kimi veb sayt hərəkətlərini göstərir. Veb saytınız CTA-larınızı qabarıq şəkildə göstərməlidir və onlar məzmunun qalan hissəsindən fərqlənməlidir.

CTA-larınızın başa düşülən və qısa olduğuna əmin olun və istifadəçilərə klikləmək üçün güclü səbəb təklif edin.

SEO-ya uyğunluq

Hədəf auditoriyanıza çatmaq üçün veb saytınızın SEO-ya (Axtarış motoru optimizasiyası) uyğun olması tələb olunur.

Məzmununuzun hədəf auditoriyanızın sizin veb saytı axtarmaq üçün istifadə etdiyi açar sözlərə uyğun olduğundan əmin olun. 

Üstünlüklərinizi vurğulayın

Şirkətinizin öz sahəsində digərlərindən necə fərqləndiyini veb saytınızda göstərin. Hədəf kütlənizin niyə məhz sizi seçməli olduğunu məhsul və ya xidmətlərinizin üstünlüklərini vurğulamaqla izah edin. 

Nəticə

Veb saytınızdan maksimum yararlanmaq vacibdir, çünki o, potensial müştəridə şirkətiniz haqqında ilkin təəssürat yaradır. 

166 Tech-ə müraciət edərək hədəf kütlənizə uyğun, şirkətinizin cari rəqəmsal mühitdə uğur qazanmasına fokuslanmış veb sayt yarada bilərsiniz.